నాకు భలే సందేహం వచ్చింది తీరుస్తారా?? ఎవరన్నా ?? మరి తిట్టకూడదు సుమీ …..
భావితరాల వారు తెలుగును ఎందుకు నేర్చుకోవాలి. ఉదాహరణకు… అమెరికాలో పుట్టి పెరిగిన తెలుగు వానికి తెలుగు నేర్చుకోవలసిన ఆవస్యకత ఏమిటి.. వాడు ఇండియా రాడు వచ్చినా ఇంగ్లీషు వచ్చిన కుటుంబాలు కనుక వాడికి పెద్ద సమస్య కాదు , తలిదండ్రులు తెలుగులో మాట్లాడుకున్న దరిమిలా వాడికి తెలుగులో మాట్లాడటం అర్దమవుతుండి… మాట్లాడుతాడుకూడాను…. అంతకు మించి వాడుతెలుగు ఎందుకు నేర్చుకోవాలి.
సంస్క్రృతిని కాపాడటం అన్నది పక్కన పెట్టండి… (అది చెప్పటమే మాత్రమే…) అలా చెప్పే వారు కొద్దిగా బిజీగా ఉన్నా, పరిస్తితి కుదరకపోయినా ఆ సంస్రృతిపాఠాన్ని తుంగలో తొక్కి పని చూసుకు వస్తారు…(నేను అలా కాదు అనేవారికి ఇది వర్తించదు).. అంటే తెలుగు హాబీ వరకు ఉపయోగపడుతుంది అని ఇక్కడ నిర్దారించుకోవచ్చు….మరి ఆ వాక్యం ఎందుకోయ్ అంటారా….అది ’ఏదో’ సానుభూతికి బాషాభిమానం చూపటానికి మంచి ఉపయోగకారిణి అయిన ఒక ఊత వాఖ్యం అని నా నమ్మకం …దాని సంగతి తరువాత ఆలోచిద్దాం… ఎందుకు భావిత తరాల వారు తెలుగు నేర్చుకోవాలి ???
ఇది నాకు సమాధానంగా కాదు .. ఒక వ్యాసం రూపంలో కాని… విశ్లేషణ రూపంలో కాని …. మీ బ్లాగుల్లో చూడాలి అనుకుంటున్నాను…
దానికి నా వద్ద కొన్ని సమాధానాలు మాత్రమే వున్నాయి కొంతవరకు మాత్రమే అవి ఉపయోగపడుతున్నాయి…. నిన్నా సాయంకాలం… ఇది/ఇలాంటి ప్రశ్న నా ప్రెంచి మిత్రుడు నన్ను అడిగాడు… అతనికి నేను,నన్నయతో మెదలు పెట్టి శ్రీశ్రీ దాకా గొప్పలు చెప్పి ఎదో బురిడీ కొట్టింఛి సమాధానం చెప్పి అవును అవును అనిపించినా నాకే…. ప్రపంచ భాషల సరసన నిలబెట్టి చూపటానికి నా తెలుగు ఏమి వున్నాయి అని చూస్తే ఎప్పూడో క్రీశ ప్రారంభపు నేతి వాసనలే కాని.ఇరవయ్యో శతాబ్దపు(మహా ప్రస్తానంతో ఇక చాలు అని మూతి తుడుచుకునేవారికి ఇది వర్తించదు) రుచులు పెద్దగా లేవన్న నిజం (తెలిసిందేఅయినా) బాగ నోప్పికలిగించిన విషయం … మరి మీలాంటి వారు తలా ఒక చెయ్యి వేస్తే మంచి విశ్లేషన బయటకు తేవచ్చు అని నిఘూడ అంతరార్దం….
మనం ఇప్పుడు తెలుగు పోయింది పోయింది .. అని కాలిపోతున్న ఇంటి ముందు పెద్ద జన సముద్రం నీటి సముద్రం పక్కన ఉండి కూడా కేవలం అరుస్తున్నా వాడిలా మిగిలిపోకుండా ఉండాలంటే ఏమిచెయ్యాలి అనేదానికి పెద్ద ప్రాతిపదికలు లేకుండా ( రాసిన పాటించం కనుక) …అస్సలు తెలుగులో ఉన్నవేమిటి మరియు ఉండాల్సినవి ఏమిటి… అన్నవి కొద్దిగా క్లుప్తంగ రాయగలరు…..
ఆంగ్లము, సంస్క్రుతము , ప్రెంచి ,ఇటాలియన్ , జపనీస్ , లాటిన్ , అరబిక్ వంటి భాషలు ఎందుకు నేర్చుకోవాలి అని ఎవరినన్నా ప్రశ్నించ మనండి చూద్దాం… అది అడగటానికే జంకుతారు… మరి తెలుగు ఎందుకు నేర్చుకోవాలి అని ప్రపంచంలో కొందరయిన ఆలోచించాలి అంటే తెలుగుకి ఎమి ఉండాలి/ ఏమి వున్నయి / అన్న తీరులో ఉండాలి ఆ వ్యాసం … మరి మీ మిత్రకోటి సలహలతో…. కోటిమిత్రుల సమన్వితులయిన మీ అభిప్రాయంకై వేచి చూస్తుంటాం…..
అంత ఓపిక లేదయ్య బాబు నాకు అంటే…
ఈ ఒక్క ప్రశ్నకు సమాధానం రాయండి…
ఒక తెలుగు వాడు చనిపోయేలోగా తప్పక చదవవలసిన పది పుస్తకాలు పేర్లు రాయండి(ఎక్కువ రాసినా సంతోషమే)….. (ఎవయినా/ఎప్పటివయినా ) … అనువాదాలు కాకుండా… పక్క భాషలనుంచి భావాప్రేరణ చెందినవి కూడా నిషిద్దమే… మరి రాస్తారు కదూ….
మేము తెలుగు సాహితీ లోకానికే కొత్తవారం కనుక ఇది మాలాంటి పిన్నలందరకు ఉపయుక్తం అని అనుకుంటున్నాను…. రెండు సంవత్సరాలు మెదలుకుని ఇరువది సంవత్సరాలు పై బడి తెలుగు సాహితీ సౌరభాన్ని ఆస్వాదిస్తున్నా వారు చాలా మంది బ్లాగరులను చూసాను…. మీ అందరూ ఎన్నో కోణాలు చూసి ఉంటారు.. అవి ఇక్కడ పంచుకోగలరని ఆశిస్తున్నాను….
విషయం మద్యలో కొన్ని పరిమితులు రాయటం జరిగింది, అసంధర్బ ప్రేలాపనాపూరితమయిన వాఖ్యాలకు వెరచి అలా రాయటం జరిగింది…. సరియయిన పాఠక వర్గం దానిని పరిగణలోకి తీసుకోదు అని నమ్ముతూ…
చంద్ర
బాగుందయ్యా చంద్రం!
నీవు నీ సందేహం
ఇదొక పెద్దచర్చే!
“మనం ఇప్పుడు తెలుగు పోయింది పోయింది .. అని కాలిపోతున్న ఇంటి ముందు పెద్ద జన సముద్రం నీటి సముద్రం పక్కన ఉండి కూడా కేవలం అరుస్తున్నా వాడిలా ”
పోలిక బావుంది
“ఒక తెలుగు వాడు చనిపోయేలోగా తప్పక చదవవలసిన పది పుస్తకాలు పేర్లు రాయండి”
ఒక్క పదే ఏం ఖర్మ - వంద పుస్తకాల లిస్టులు ఉన్నాయి. 2000 సంవత్సరంలో ఆంధ్రజ్యోతి వారు ఒక లిస్టు ప్రకటించారు. అదే సమయంలో అమెరికాలో ఉన్న తెలుగు సాహిత్య మిత్రులు ఇంకో లిస్టు ప్రకటించారు. ఈ రెండో లిస్టూ మీకు ఈమాట జాల పత్రికలో ఉండొచ్చు. ఇటీవల రాకేశ్వరుడి బ్లాగులో బ్లాగ్జనులు తమ తమ ఇష్టమైన తెలుగు పుస్తకాలని చెప్పారు.
ఇదే ప్రశ్న మావారు నన్ను తరచూ అడుగుతూ వుంటారు.ఈ విషయంలో మావారికి నాకూ తరచూ గొడవే.మా అబ్బాయికి తెలుగు నేర్పుతానని నేను,తెలుగు అవసరం ఏముంది, వాడు ఇక్కడ వుండేవాడే కదా అని మావారు.నేను ఏవో కొన్ని సమాధానాలు చెప్పానుకానీ అవి మావారికి సంతృప్తిని ఇవ్వలేదు.నేను భాషాభిమానం లాంటి పెద్దాలు,ఆదర్శాలు చెప్పను.నావరకు మా అబ్బాయి ఇంగ్లీషురాని మా అమ్మానాన్నలతోను,చుట్టాలతోను ప్రేమగా మాట్లాడగలగాలి అంతే.తరువాతే భాషాభిమానం.అయినా ఒక్క సాహిత్యం వల్ల జనాలకి తెలుగు మీద ఇష్టం పెరుగుతుంది,నేర్చుకుంటారు అనడం సమజసం కాదు.మహా అయితే ఎంతమంది సాహితీ అభిమానులు వుంటారు?మనం అందరం ఇంగ్లీషు ఎందుకు నేర్చుకున్నాము?అది నేర్చుకుంటే ఏదో ఒక ఉపయోగం,లాభం వున్నాయి కాబట్టి?అలాగే తెలుగు నేర్చుకుంటే ఏదో ఉపయోగం వుందని జనాలు అనుకోవాలి. ఆ భాష నేర్చుకుంటేనేగానీ మనం ఆ పని చేయలేము అనేలాంటివి రూపొందించాలి లెదా ఇంతకు ముందే వుంటే వెలుగులోకి తీసుకురావాలి.మనవాళ్ళు కనిపెట్టినవి మన భాషలోనే వుంటే వాటిని తెలుసుకోడానికి మిగిలిన వారు మన భాషని నేర్చుకుంటారు[నేర్చుకునే అవకాశం వుంది].
ఇది నా వ్యక్తిగత అభిప్రాయం మాత్రమే.ఎవరయినా తెలుగుని ఇందుకు నేర్చుకోవాలి అని బలమయిన కారణాలు చెపితే మావారితో వాదించడానికి నాకూ చాలా ఉపయోగకరం గా వుంటాయి
rAdhika - endhuku nErcukOvAli aMTE .. mukhya kAraNaM, nA maTTuki nAku tirugulEni kAraNaM .. adi needi kAbaTTi, taratarAlugA vastunnadi kAbaTTi. ikkaDa tuMcEsi pAreyyaDAniki adi nI సొమ్ము కాదు .. అది భావితరానికి అందించాల్సిన బాధ్యత నీమీద ఉంది. మీ వారిని ఒక మాట అడగండి (అంటే ఇక్కడ ఏదో ఆయన్ని ఇబ్బంది పెట్టాలని గాదు, తెలుగెందుకూ అని వితండ వాదం చేసేవారికి, జెనరల్ గా) రేపు మీ అబ్బాయికి మీ కుల మత ఆచారాల ప్రకారం, వొడుగో, పంచెలివ్వడమో .. కలిసి వస్తే సాంప్రదాయకంగా పెళ్ళి చెయ్యడమో మానేస్తారా? తెలుగుని అవలీలగా వదులుకునే వారు కూడా ఈ విషయాల్ని వొదిలెయ్యలేరు, కనీసం ఈ దేశంలో నేను చూసినంత వరకూ.
ఆ… కొత్త పాళీ గారు… మీరు సాంప్రదాయందగ్గరకుపోయారు.. సాంప్రదాయం పాటించటం సమాజం హర్షిస్తుంది,మరియు దానికి ఇంకో ప్రత్యామ్నాయం తెలీదు… లేదు నేను ఇలా చేసుకోను అంటే…. రిజిష్టర్ పద్దతి ఉంది దానిలో భందువులను పిలవలేము వారు రారు కూడాను…. సోంత మతా చారాలు పాటీంచనివాడికి/తెలీనివాడికి పక్కామతంలోకి ఆదాయం లేకుండా వెళ్ళడు/పాటించడు…
ఇక్కడ నేను అడిగింది ఎంటయ్యా అంటే… నేను అరవం వాడిని అనుకోండి నేను తెలుగు నేర్చుకోవాలి అనుకుంటే.. నాకు చూపించగలిగే ఉపయోగాలు… ఉదాహరణ… భాషతో ఆటలు ఆడటం మరే భాషలో లేవు.. ఉదాహరణ: అష్టావధానం (సంస్క్రృతమిళితం అనుకోండి)… యొగి వేమన పద్యాలు… సగుటూ భాషలో తర్కం అంత విపులంగా మరే భాషలోరాయలేదు..
అంజంత భాష కనుక .. సంగీతానికి చక్కగా ఇముడూతుండి…
ఉమాన దురంధరి… తెలుగులో ఉపమానాలు,సమాసాలు రాయగలిగినంట మరేభాషలోకుదరదు…
ఈ పుస్తంకం కేవలం తెలుగులోనే చదవాలి అన్నట్టూ ఉండే పుస్తకాలు…. తెలుగులో మాత్రమే దొరికే గొప్ప సంగీతం… తెలుగు సినిమా ….( ఉల్లాసం కోసం … ఏడుపుగోట్టూ…తొడలు చరవటం వంటివి కావు)….. ఇలాంటీ గొప్ప్లలు కావాలి అని..
మీ సోంతవూరి (పుట్టిన ఊరు) లోనున్న మీ తాతలనాటి ఆస్తి - పోలంపుట్రా, తండ్రి గారు కట్టించిన మండువా ఇల్లూ, తల్లిగారి నగనట్రా అన్నికూడా విదేశాలలోనున్న మీకు ఉపయోగపడవని (మీ విదేశి ఆస్తులతో పోలిస్తే, ఏమాత్రం విలువలో సరితూగనివి), కేవలం గతకాలపు చిహ్నలని మీరు వదిలివేయగలరా? ఎంతమాత్రం ఒప్పుకోరని నాకు తెలుసు. ఇది మరి అన్యాయంగాదండి. మీ స్వంత ఆస్తులంటే అంతమామకారమా? (లేదా స్వార్ధమా?), అదే భాషా, సంస్కృతి, సంప్రదాయము అంటే అంతచులకనా? ఎన్నిదేశాలు తిరిగాము, ఎన్నిభాషలునేర్చుకున్నాము అన్నది కాదండి ముఖ్యం, మాది, మాకు మత్రమే సోంతమని మనభాష గురించి గర్వంగా చెప్పుకోగలగాలి. ప్రపంచ దేశాలు మనదేశంకేసి చూస్తున్నాయంటే, కేవలం మన తెలివితెటలు, ప్రతిభాపాటవాలు చూసిమాత్రమేగాదు, మన భాష, సంస్కృతి, సంప్రదాయములపై ఉత్సుకతతో కూడా అన్నది మరువకూడదు.
…వల్లూరి.
చంద్ర గారు,
ఇది మీకు కావలసిన జవాబో కాదో తెలీదు కానీ, “తెలుగు ఎందుకు నేర్చుకోవాలి” అన్న ప్రశ్నకు నా జవాబు “నేర్చుకో అక్కరలేదు” అని.
మన నిత్య వ్యవహారంలో, ఇతరులతో సంభాషించడానికి మించి ఒక భాషని మనం ఎందుకు నేర్చుకుంటాం? ఆ భాష మీద, ఆ భాషకి సంబంధించిన సాహిత్యం మీద ఆసక్తి, అభిరుచి ఉంటే దాన్ని చదవడానికి నేర్చుకుంటాం. ఉదాహరణకి అన్నమయ్య కీర్తనలు ఇష్టమనుకోండి, అందులోని అర్థాలను తెలుసుకోడానికి అందులోని భాషని నేర్చుకునే ప్రయత్నం చేస్తాం. అంతకు మించి దానికున్న ప్రయోజనం శూన్యం. మరి అలాటి ఆసక్తీ అభిరుచీ ఎలా కలుగుతుంది. దానికి చాలా కారణాలుండవచ్చు. పుట్టి పెరిగిన వాతావరణం కారణంగా చిన్నపటినుంచీ నేర్చుకున్న భాషమీద అలాటి అభిమానం కలగవచ్చు. అలా కలిగితే అందులో మరికొంత ముందుకి వెళతాం. కానీ అలా జరగనప్పుడు, ఎందుకు నేర్చుకోవాలి? నేర్చుకో అక్కరలేదన్నదే సమాధానం.
ఇక ఇతర భాషలతో మీరు తీసుకువచ్చిన పోలికలు. అవి శుద్ధ దండగ. ప్రపంచంలో యీయీ భాషలూ, వాటి సాహిత్యమూ మిగతా భాషలకన్నా గొప్పవి అనుకోవడం పొరపాటు. ఎందుకు పొరపాటంటే భాషా సాహిత్యాలకి సంబంధించి “అంతర్జాతీయ ప్రమాణా”ల లాంటివేమీ ఉండలేవు. అంచేత ఒక భాషా సాహిత్యం మరొక దానికన్నా గొప్పదని చెప్పలేం. మన దురదృష్టం ఏమిటంటే, మనకి తెలీకుండానే మనవి కాని ప్రమాణాలని మనం “అంతర్జాతీయ ప్రమాణా”లని అనుకుంటున్నాం. వాటితో మన సాహిత్యాన్ని బేరీజువేసి, మన సాహిత్యం తక్కువస్థాయిదని నిర్ణయించుకుంటున్నాం. ఉదాహరణకి మీరు “అనువాదాలు”, ఇతర భాషాలనుంచి “భావప్రేరణ” చెందినవి నిషిద్ధం అన్నారు. అంటే, అటువంటివి ఉత్తమమైన సాహిత్యం కాదన్న కొలబద్దని మీరు తీసుకున్నారు. అది మంచి సాహిత్యానికి కొలబద్ద ఎలా అయ్యింది?
నేను రామాయణకల్పవృక్షంలో, దశరథుడు సంతానం గురించి పడ్డ ఆవేదన చదివి ఎన్ని సార్లు కన్నీళ్ళు పెట్టుకున్నానో! అదే వాల్మీకి రామాయణం చదివినప్పుడలాటి స్పందన కలగలేదు. అలాగే అందులో చాలా ఘట్టలున్నాయి. మరది మంచి కవిత్వం కాదా? కదిలించేది కవిత్వమైతే, అది నాకు ఉత్తమోత్తమమైన కవిత్వమే. కాని దాన్ని, “అనుసరణ కాకూడదు” లేదా “వర్గ పోరాట దృక్పథం ఉండాలి” లేదా “స్త్రీవాద రచనో, దళితవాద రచనో అవ్వాలి”, లేదా “కేవలం ఈ నాటి సమాజం గురించై ఉండాలి”, లేదా “తెలుగు మాట్లడ్డం వచ్చిన ప్రతివాడికి అర్థమవ్వాలి” లాంటి కొలబద్దలతో కొలిస్తే అది కవిత్వం కాకుండా పోతుంది. అందులో బోలెడన్ని సంస్కృతపదాలున్నాయి కాబట్టి అసలది తెలుగు రచనే కాదు అని కూడా అనొచ్చు. మనం తరతరాలుగా వస్తున్న తెలుగు భాషా నిర్వచనాన్ని కాదని, కొత్త నిర్వచనం ఇస్తే అది తెలుగు రచన కాకుండా పోవడంలో ఆశ్చర్యమేముంది!
కాబట్టి, తెలుగు భాషని మాట్లాడే వాళ్ళకి పుట్టిపెరిగిన వాతావరణం వల్ల తెలుగుమీద అభిమానం కలగకపోతే, వాళ్ళు తెలుగు నేర్చుకోవడం అనవసరం. మన పిల్లలు కనీసం మనకొచ్చినంత తెలుగైనా నేర్చుకోవాలన్న తహతహ మనకి లేకపోతే, వాళ్ళకి అలాటి ఆసక్తిని కలిగించే ప్రయత్నం కూడా అనవసరమే. “మనం మన తలిదండ్రులని ఎందుకు పట్టించుకోవాలీ, వాళ్ళెలా పోతే మనకేమిటి?” అన్న ప్రశ్నలకి సమాధానం ఇవ్వడానికి ప్రయత్నించండి. “పట్టించుకోనక్కర లేదు” అన్నదానికన్నా “సహేతుకమైన” సమాధానం మరొకటి ఉంటుందని నేననుకోను.
మీ ప్రశ్నకీ అంతే.
అయ్యయ్యో…. వల్లూరి గారు … కామేశ్వరరావు గారు….
మీరు నా బ్లాగు స్వగతం ఒక్క సారి చదవరూ…. చిన్నదే రెండు పేరాలు కూడా ఉండదు…
నేను తెలుగు నేర్చుకోను నేర్చుకోమని చెప్పను అని అనేరకంకాదండి…. ఇంటర్ మీడియేట్ ఇంగ్లీష్ మీడియం తీసుకుని కూడ తెలుగు తరగతులకు హాజరయిన చరిత్ర కలిగినవాడిని ( మాది అద్దంకి,ప్రకాశం జిల్లా…అక్కడే వెలగ బెట్టానా చదువు ఆసాంతం)…
వల్లూరిగారు: మీరు చెప్పినవాటికి మానసికంగా ,ఒక తెలుగువాడిగా సమాధాన పడ్డాను(ఎప్పూడో… ఎప్పటీనుంచో)… కాని నేను చెప్పిన ఉదాహరణ మీకు అర్దంకాలేదు సుమండి… నేను చెప్పింది.. పరాయి వాళ్ళు కూడా అబ్బా ఈ భాష నాకురాక పోయింది లేక పోతే ఇంకా నేను ఎంత నేర్చుకుందునో అన్నట్టూ… అనిపించేంతగ తెలుగులో ఏమున్నాయిని వెలికి తీస్తున్న నాకు మీరు సహాయం చేస్తారేమో అని అలా ప్రశ్నారూపంలోరాస్తే… మీరు పూరిగా అర్దం చేసుకోలేదు చూడండి… అందుకే వేమయ్యా అన్నారూ… వినినంతనే వేగ పడక ….. మరి మళ్ళీ చూడండి నా వ్యాసాన్ని…. అయినా మీకు మీవాఖ్య సంధర్బోచితం అంటే… నేను ఏమి చెయ్యలేను….
నేను పైన చెప్పిన భాషలు వాటి వివరాలు ఎందుకు ఆ భాష నేర్చుకోవాలి నేర్చుకుంటే మనకు ఒరిగేది ఏముంది… అని తదుపరి పోష్టలో రాస్తాను విపులంగా…
ఇక పోతే కామేశ్వరరావుగారు:
నేను తెలుగు భాషను విడగొట్టమనలేదు… శైలిని తోడగోట్టమనలేదండి…. మన జాతి గర్వించ దగిన తెలుగు సాహిత్య సౌరభాలు ఎమున్నయి అని తెలుసుకుంటానికి నాకు చాలా అవరోధాలు తగిలాయి అప్పటకి… ఒక పేజీ నిండుగా తెలుగులో ఎమున్నాయి అని కనుకున్నాను ( నా పోష్టగురించి కాదు లేండి) అవి ప్రాంతీయమయినవే… అలా కాకుండా … తెలుగు భాషకు వన్నేతెచ్చిన కావ్య దామములు వెలికి తీయ్యటమే నా అంతరార్దం… అవి భావితరాలకు వారికి అర్దమయ్యే రీతిలో వారికి అందుబాటులో ఉండే రీతిలో తేవాలి అని నా ఉద్దేశ్యం….
ఇకపోతే..,,కాపీ సంపద గురించి… నాకు వాటి మీద సద అభిప్రాయం ఉంటుంది ఎప్పూదు… దీన్ని నేను ఇక్కడ నుంచి ఎత్తుకోచ్చి రాసాను అని కవి సగర్వంగా ఆ మాత్రు సమానమయిన మాత్రుక గురించి ఉపోద్గాతం గురించి రాసినప్ఫుడు… కన్న తల్లి ఎవరో చెప్పుకోలేనంత సిగ్గుపడే కావ్యాలన్నా కావ్యరచయితలన్నానాకు ఎదొ మెసం చేసేవారిలా కనిపిస్తారు…
బాబయి వాళ్ళ ఇల్లూ ఎప్పుడూ బాబాయి ఇల్లే… నా ఇల్లు అవ్వదు…. అంతే… ఇది సంకుచితమనోధొరణి అని అన్నా తప్పులేదు ఎందుకంటే… మీ ఇండియావాళ్ళు… పాటలు మెదలు… పుస్తకాలు, బట్టలు ,సినిమాలు అన్ని పక్కనుంచి కాపీ కొడుతారు అని తెలిసి కూడా పాశ్చాత్యులు ఇండియా అంటే ఎందుకు అంత ఊగి పోతారో నాకు అర్దంకాదు అని నా విదేశ మిత్రులు చేసే అవహేళను.. నా జిహ్వచాపల్యశక్తితో ఎదుర్కోంటున్నాను…వాళ్ళకు నాది (రామాయణ భారతాలు వాటి సమకాలీన చరిత్రలు తక్క) అని చూపించటానికి ఈ విశాల ఆంద్రదేశంలో ఎమున్నాయా అని వెతుకులాటమెదలెట్టను…
కేవలం మన ప్రాంతీయ భాషగా ఉండి డంబాలు పలుకుతున్నామా.. ఇక్కడ రాసిన వ్యాఖ్యలు ఒక్కసారి చదవండి.. అన్ని.. భాద్యత ..వగయిరా సాంప్రదాయం అన్నారు… కాని “ఇది సత్తా” అని రాయలేదు అంటే.. మీకు తెలిసి రాయలేదా… రాయటానికి ఎమిలేకనా…ఇలా అంటారు అని చెప్పే…మెదటి పంక్తి లోనే రాసాను ..సాంప్రదాయం తక్క మిగిలినవి చెప్పండి అని…. నిజంగా మనం శక్తిమంతులమా(భాషపరంగా) అన్న ప్రశ్న నన్ను వేదిస్తుంది…అంటే నేను ఇప్పుడూ శక్తి మంతుడు అనగానే.. జెండా పట్టుకుని చెట్టూ ఎక్కి … నేను .. మా భాష పొలి కేక అనటానికి కాదు… ప్రంపంచం పొగుడుతున్నంత ఎముందో తెలుసుకోవాలి అని నా కుతూహలం… తెలుసుకుని ఎంచేస్తావు అంటే.. నేను మరో బ్రౌన్ అవుతా..అది నా ప్రజలకు అందిస్తా…. కనీసం దానికి దగ్గరగా అన్నా ఎదో ఒకటి చేస్తా…
చంద్రగారూ,
మీరు మీ పోస్టు మొదటి కొన్ని వాక్యాలు ఒక్కసారి తిరిగి చదవండి.
“భావితరాల వారు తెలుగును ఎందుకు నేర్చుకోవాలి. ఉదాహరణకు… అమెరికాలో పుట్టి పెరిగిన తెలుగు వానికి తెలుగు నేర్చుకోవలసిన ఆవస్యకత ఏమిటి.. వాడు ఇండియా రాడు వచ్చినా ఇంగ్లీషు వచ్చిన కుటుంబాలు కనుక వాడికి పెద్ద సమస్య కాదు , తలిదండ్రులు తెలుగులో మాట్లాడుకున్న దరిమిలా వాడికి తెలుగులో మాట్లాడటం అర్దమవుతుండి… మాట్లాడుతాడుకూడాను…. అంతకు మించి వాడుతెలుగు ఎందుకు నేర్చుకోవాలి.”
ఇక్కడ మీరంటున్నది తెలుగువాళ్ళ గురించా పరాయి వాళ్ళ గురించా?
“ఒక పేజీ నిండుగా తెలుగులో ఎమున్నాయి అని కనుకున్నాను ( నా పోష్టగురించి కాదు లేండి) అవి ప్రాంతీయమయినవే… అలా కాకుండా … తెలుగు భాషకు వన్నేతెచ్చిన కావ్య దామములు వెలికి తీయ్యటమే నా అంతరార్దం…”
“అన్నీ ప్రాంతీయమైనవే” అంటే? తెలుగుభాషకి వన్నె తెచ్చేవంటే ఎలాటివని మీ ఉద్దేశం?
“కాని “ఇది సత్తా” అని రాయలేదు అంటే.. మీకు తెలిసి రాయలేదా… రాయటానికి ఎమిలేకనా…”
అటు నన్నయ్య నుంచి ఇటు విశ్వనాథదాకా, ఆనాటి మొల్లనుంచి ఈనాటీ ఓల్గా దాకా, ఆనాటి అన్నమయ్యనుంచి ఈనాటి అందెశ్రీ దాకా, ఆనాటి గురజాడనుంచి ఈనాటి సవెం రమేశ్ దాకా, మొన్నటి శ్రీశ్రీ నుంచి నిన్నటి ఇస్మాయిల్దాకా, తెలుగుజాతి గౌరవించిన ఏ రచయిత రచనలకి సత్తా లేదో చెప్పండి?
“సత్తా” అంటే మీరిచ్చే నిర్వచనం బట్టి ఉంటుంది. నేనన్నదేమిటంటే, మన భాషమీద మనకభిమానం ఉంటే, మన భాషనీ, సాహిత్యాన్నీ మనకళ్ళతో చూడ్డం, మన నాలుకతో రుచిచూడ్డం, మనకి సొంతమైన కొలమానాలతో బేరీజు వేయ్యడం అలవాటు చేసుకోవాలి. అలా చెయ్యనన్ని నాళ్ళు, మన రచనలన్నీ ప్రాంతీయ రచనలుగానే కనిపిస్తాయి!
మీ ఆలోచన గొప్పదే. కాకపోతే, విదేశీయులకి మన భాషా సాహిత్యాల గొప్పతనాన్ని ఋజువు చెయ్యడానికి ముందు, మీకుమీరు మన భాషనీ, సాహిత్యాన్ని ఎంతవరకూ ఆస్వాదించగలుగుతున్నారో ఆలోచించండి. ఏదో మన భాష కాబట్టి అది గొప్ప, అందులో గొప్పతనాన్ని వెదకాలి అనుకోకుండా, స్వయంగా చదివి అవి మీకు రుచిస్తున్నాయో లేదో చూడండి. మీరు వాటిని గొప్పగా అనుభవించగలిస్తే, అప్పుడెందుకు అనుభవిస్తున్నారో ఆలోచించండి. అప్పుడు మనవైన ప్రమాణాలేమిటో మీకు తెలుస్తుంది. అప్పుడవి ఎందుకు గొప్పవో మీరు సాధికారికంగా చెప్పడానికి అవకాశం ఉంటుంది. అలా కానిపక్షంలో బలవంతపు బ్రాహ్మణత్వమే అవుతుంది!
టెక్నికల్గా ఒక భాష శక్తివంతమైనది అని చెప్పడం అసాధ్యం (భాషాశాస్త్ర పరంగా తప్పుకూడా). ఏ భాషైనా ఆ భాష మాట్లాడే ప్రజల అవసరాలకి అనుగుణంగానే వృద్ధి చెందుతుంది. అంచేత ఏ భాషకి ఆ భాషే శక్తివంతమైనది. ఒక భాషలో ఎక్కువ వర్ణాలున్నాయి కాబట్టి, లేదా సంగీతానికి ఎక్కువ అనువుగా ఉంటుంది కాబట్టి ఆ భాష అధిక శక్తివంతమైనది అని అనడం దురభిమానమే అవుతుంది.
హమ్మాయ్యా…. ఇలా అడిగారు బాగుంది… నా సమాదానాలు ఇవిగో….
మెదటి ప్రశ్నకు సమాదానం:
తెలుగురాని వారి గురించి(అంతోకొంతనాకు తెలుగు తెలుసు అని అనుకుంటున్నాను)…. తెలుగు నేర్చుకోవాలి అనుకునేవారిగురించి…
రెండవ ప్రశ్నకు సమాధానం:
అంటే మనం పక్క భాషలో కాపీ కొట్టూకోస్తాము చూడండి… అలాగ మన భాషనుంచి పక్కభాషలవాడు కాపీ కొట్టలి ఈ రచనను….అనిపించేవి. ముచ్చటగా చెప్పాలి అంటే…. అనువదించి ..అంతటి మంచి రచనను నా భాషప్రజలకుకుకూడా అందించాలి అని అని పించేవి వన్నెతెచ్చేవి అని నా ఉద్దేశ్యం…..అవి ఒక్కటేనా.. వన్నెతెచ్చేవి అంటే ?? ….. డిజిటల్ యుగంలో పుట్టిపెరిగిన వాళ్ళకు అయితే అవును అని సమాధనం….. ఆ యుగం ముందువున్నావరికి అయితే… గ్లోబల్ విలేజ్ కారణంగా ఎక్కువ రుచి అయిన వాటిని మాత్రమే చదువారు అండీ ఈ కాలంవారు అని నా సమాధానం….
అంటే.. మెత్తంగా పరాయి భాషవాళ్ళు ఇదినేను అనువదించాలి అనిపింఛేతంటటి గొప్పకావ్యాలు ఆ భాషకు ఎక్కువ వన్నెతెస్తాయి ఎందుకంటే పాఠకవర్గం పెరిగేకోంది.. ఆ రంగంలో కొత్త ఆలోచనలు అభివృద్ది చూస్తాం…. ఇంకా పక్కాగా చెప్పాలంటే…
Reliance fresh కూరగాయలు , మా బండి రాంబాబు కూరగాయలు ఒకటే కాని బ్రాండ్ నేమ్ అది ఎలా వచ్చింది అంటే పరిధి ఆ పరిధి పెంచాలి అంటే..అంత గొప్పతనం మన భాషలో ఉన్న సాహిత్యం మీదా ఆధార పడి ఉంటుంది … ఒప్పు కాదంటారా?? ….
మా అమ్మ నాన్న నాకు గొప్ప మరి … బిల్ క్లింటన్ కో ? అని అడీగనట్టుందీ ప్రశ్న అని మీరు నన్ను తిట్టుకుంటున్నారు అని తెలుసుకాని…కొన్ని ఇలా అడిగితేనే సమాదానాలు వస్తాయి అని నా అభిప్రాయం…
మూడవ ప్రశ్నకు సమాధానం:
మారి అంతమంది కవులలో ఎన్ని ఎంతమంది చదివారు… మరియు… ఎన్ని ఇతరభాషలలోకి తర్జుమా అయ్యాయి… ఎన్ని ప్రపంచ పాఠకవర్గాన్ని ఆకర్షించాయి …??? (నాకు తెలియదు సమాదానం … వక్రించాడు ఈ పిల్లోడు నన్ను అని మాత్రం అనుకోవద్దు… )
నాలుగవప్రశ్న:
సత్తా అంటే నా దృష్టిలో కేవలం … ఎంతమంది పాఠకవర్గం ఉన్నారు… ఎంత బాగా రాయబడింది… వగయిరా వగయిరా…. మరియూ పైన చెప్పిన కొన్ని… ఈ పాటికి మీకే అర్దం అయింది… ఇక పోతే నేను చదవటం అంటారా..నేను మరీ అన్ని పుస్తకాలు చదవలేదుకాని..ఒక వంద చదివి ఉంటాను… దగ్గర దగ్గర…. ఈ మధ్యనాకు బాగా తెలుగు (జలుబు లాగా) చేసింది.. సో నాకు ఇలాంటి అనుమానాలు వస్తున్నాయి….
చిరవరి పేరాకి :
ప్రస్తుతానికి ఇంకా అంత జ్ఞానంరాలేదు కాని త్వరలో తప్పకుండా తెలుసుకుని మరీ సమాధానం ఇస్తాను….
మీరు ఒక్క సారి నా కవితలు/తవికలలో కొన్నింటిని చదువగలరు…
విషయసూచిక
ఈ లింక్ లో
అవిగో సాహిత్య ఘంటికలు మ్రోగుతున్నాయి అను కవిత
అమ్మా ఎక్కడునావమ్మా కవిత
ఏమయ్యా పాశాత్యరావ్ కవిత చదివితే మీకు అర్దం అవుతుంది ..నా ఉద్దేస్యం ఏమిటో….
తప్పకుండా చదవండే….. ఎందుకంటే.. నేను పాడిందే పాడరా పాచి పళ్ళ దాసుడా అన్నట్టు చెప్పిందే చెబుతున్నాను… కాని బండి చాలా ముందుకు పోవాళి…
మీ సహనానికి నెనెర్లు….
చంద్ర
మీరు US లో ఉన్న తెలుగువాళ్ళ గురించి బాధపడుతున్నారు. కానీ పదేళ్ళక్రితమే ఆంధ్రా నడిబొడ్డులో ఉంటున్న ఒకమ్మాయి నన్ను ఈ ప్రశ్న అడిగింది “నేను తెలుగు ఎందుకు నేర్చుకోవాలి” ? అని. నా దగ్గర ఇప్పటికీ సమాధానం లేదు.
ఇంకో విషయం చెప్పనా… నా ఇంగ్లిష్ మీడియం స్నేహితుల్లో చాలామందికి తెలుగు చదవడం, రాయడం రాదు .
మీకు ఇంకొద్దిరోజుల్లో ఎందుకు తెలుగు నేర్చుకోవాలి అని నేను తప్పకుండా సమాధానం చెబుతా అండీ …చూద్దాం అది ఎంత మంది హర్షిస్తారో చూద్దాం… మన సమాజంలో సర్వసంగతీసహనం ఎక్కువ అదీ తెలుగువారిలో… అందుకని ఇలాంటీ బడుద్దాయి ప్రశ్నలు చాలా ఉంటాయి…వాటికి సమాధానాలు వారికి కావలసిన రీతిలో ఉన్నాప్పుడే… వాళ్ళ నీశాని తనం అర్దంచేసుకుంటారు…
చూద్దాం… ఉందిలే మంచి కాలం ముందు,ముందున….
[...] ప్రశ్నకు రెండవ భాగం. మెదటిదానికోసం ఇక్కడ నొక్కండి.నిన్నటి టపాలో ఒక్కరుకూడా [...]
అవునూ..ఎందుకు నేర్చుకోవాలి?? హహహ
“మారి అంతమంది కవులలో ఎన్ని ఎంతమంది చదివారు…”
“సత్తా అంటే నా దృష్టిలో కేవలం … ఎంతమంది పాఠకవర్గం ఉన్నారు…”
ఓ ఇదా మీ కొలబద్దా, ఈ మాట ముందే చెప్పారుకారు! అంతంత పెద్ద పెద్ద టపాలనవసరంగా నాచేత రాయించారు
నాకు తెలిసి తెలుగులో అత్యంత అధికంగా అమ్ముడుపోతున్న పుస్తకం స్వాతి సపరివారపత్రిక. కాబట్టి మీక్కావలసిన పుస్తకాల లిస్టులో మొదటుండాల్సిందది!
మళ్ళీ కధమెదటీకి వచ్చింది….మళ్ళీ కలుషితాక్షరాస్త్రం ….
అలానే అనుకుందాం మరి స్వాతిపుస్తకాలు తెలుగు చరిత్రకు తలమానికం అని మీ అభిప్రాయం అని నేను అనేసుకోమంటారా.
సీత అగ్నిప్రవేశఘట్టం చూసి.. రాముడు మంచోడు కాదు అంటే ఎలా… అన్నింటిని గుత్తంగా చూసి భావాన్ని గ్రహించాలిగాని.
విలువలు కాపాడుతూ, చరిత్రాత్మకమయి,సమాజం హర్షించిన తెలుగు అక్షరలక్మికి జనించిన రచనా రత్నాలు ఏమిటి అని ప్రశ్న….
నేను ఈ విషయంలో వాదించాలనికాదు గానీ నాకు ఎదురవుతూన అనుభవాలు,సందేహాలు పంచుకోవాలని రాస్తున్నాను.తెలుగులో మాట్లాడడం,చదవడం నాకు ఇష్టం మరియు అవసరం. మా అబ్బాయికి కూడా ఇష్టముండాలని లేదుకదా.మావాడికి ఇండియాలో ఒక్క అమ్మమ్మ,తాతయ్య/మావయ్య తప్పించి ఎవ్వరూ తెలియదు.మేము వెళ్ళే రెండేళ్ళకోసారి ట్రిప్పులో వాల్లటో వాడికి ఎంతో అనుబధం ఏర్పడిపోతుందని కూడా నేను చెప్పలేను.మరి వాడికి తెలుగు నేర్చుకోవాలని ఎందుకు అనిపిస్తుంది.నేను బలవంతం పెట్టినా మాట్లాడడు.నేను తెలుగులో అడిగినవాటికి అర్ధంచేసుకుని ఇంఘ్లీషులో సమాధానం చెపుతాడేకానీ తెలుగుమాత్రం మాట్లాడడు.ప్రవాసంలో వుండే చాలామందికి ఇది అనుభవమే ననుకుంటాను.మనం ఎంత నేర్పాలనుకున్నా వారికి ఆ భాషమీద ఇష్టం కలిగించేలా ఏమి చెయ్యాలో తెలియట్లేదు.మనం చిన్నప్పుడు ఏదోఒక రకంగా తెలుగులోనే గడపడంవల్ల ఇప్పుడు ఈ మాత్రమన్నా అభిమానం వున్నది.మరి వేరే మాధ్యమంలో వున్నప్పుడు వారికి అది ఇష్టమవుతుందే గానీ ఎప్పుడోగానీ తలచుకోని మాతృ భాషమీద కొత్త తరంవారికి అభిమానం ఎలా ఏర్పడుతుంది.
మొన్నామధ్య ఒక ప్రోగ్రాము చేస్తూ మన ప్రతిజ్ణ చెప్పించాము.”భారత దేశము నా మాతృభూమి,భారతీయులందరూ నా సహోదరులు”.మము అమెరికన్ సిటిజనులం అని నవ్వేసిన ఆపిల్లలకి ఏమి చెప్పగలం.ఆ పిల్లలు నవ్వులాటకే అన్నా అలోచించవలసినవి ఆ విషయాలు.మనదేశం అంటే మనకి అభిమానం వున్నట్టు వారికి వుంటుందా?అమ్మ ,నాన్నా ఆదేశపౌరులు అని వారికి ప్రేమ వచ్చేస్తుందా?అలాగే భాష విషయంలో కూడా.
ఇక మావారి వాదనలకొస్తే
పొలం పుట్రా,ఇల్లూ అనేవి మనకి అపురూపం ఏమోగానీ అసలు వాటితో ఏమీ అనుబధంలేని మన పిల్లలకు అవి విలువయినవిగా ఎందుకు అనిపిస్తాయి అని.
వాడు ఇక్కడే వుంటానంటే అక్కడి ఆస్తులన్నీ అమ్మి[ఇక్కడి డబ్బులతో పోలిస్తే ఎంత తక్కువయినా కూడా] ఇక్కడకి తెచ్చేయాలని అంటున్నారే గానీ వేరే మాటలేదు.ఆలు నిజానికి అంత సెంటిమెంటు వుంటే అసలు ఇంత దూరం రాలేమని వారి ఉద్దస్యం.[మావారి స్నేహితులది కూడా అదే ఉద్దేస్యం.అసలు ప్రతీ వారాంతం నేను వారికి భొఈజనాలు పెట్టడం,అది అరిగేదాకా వాదించుకోవడం]
సాంప్రదాయాలు,కట్టుబాట్లూ ఎంతవరకూ మనం పాటిస్తున్నామన్నది అందరికీ తెలిసిన విషయమే.సాంప్రదాయాలు వదిలేసారని మన తాతలు,తరువాత నాన్నతరంవాళ్ళు,ఇప్పుడు మనం అనుకుంటున్నామంటే ఇంకో రెండుతరాలకి ఏమవుతుందో ఊహించడం కష్టంకాదు.ఇక పెళ్ళో పేరంటమో మానేస్తారా అంటే తప్పక మానేస్తారు.మావారు మా పెళ్ళే సంతకాలతో కానిచ్చేద్దాం అన్నారు.కానీ పెద్దవాళ్ళు పడనివ్వలేదు.మరి ఆయన వాళ్ళ అబ్బాయి పెళ్ళి ఎల్లా చేస్తారన్నది మా అబ్బాయికే వదిలేస్తారనుకుంటాను.
ఇంతకీ చెప్పేచ్చేదేమిటమే ఈ విషయాలలో మా వారితో వాదించి వాదించి చివరికి వారి అభిప్రాయాలే కరక్టు అనే స్థితికి వచ్చేసిన నాకు ఈ టపా కొంత ఆశ కలిగించింది.ఎవరయినా సరయిన వాదన వినిపిస్తారని,మావారిని ఒప్పించవచ్చని అనుకున్నాను.అందుకే మావారి వాదనంతా ఇక్కడ వినిపిస్తున్నాను.మావారి వాదన ఎలా వున్నానావరకూ నేను మా అబ్బాయికి తెలుగు నేర్పుతున్నాను.వాళ్ళ పిల్లలకి వాడు నేర్పుతాడో లేదో అది నేను ఆలోచించట్లేదు.ఇప్పటికి మావాడు[మూడున్నర ఏళ్ళు] వేమన పద్యాలు కొన్ని,శ్లోకాలు కొన్ని,తెలుగు సరదా పాటలు కొన్ని,వందేమాతరం చాలా బాగా చెపుతాడు.నేను తెలుగులో ఏమి చెప్పినా బాగా అర్ధం చేసుకుంటాదు.నేను తెలుగు వదలను.తెలుగు బాగా నేర్చుకునేదాకా మా అబ్బాయినీ వదలను
రాధిక గారు….
మీరు నా లఘుచిత్రానికి చాలా నిజజీవత ఘటనలు ఇచ్చారు అండి.. ముందుగా వాటిన్నికి కలిపి బోలెడు… నెనర్లు…
ఇకపోతే…. విషయానికి వస్తే…. మీ బాబుకు రాయటం అటుంచి…తెలుగులో చెప్పగలుగున్నాడు అన్నారు చూడండి….బాగనే ఉంది…నాకు అర్దంకాని విషయం ఏమిటంటే…. మీ బాబుకు …అలా ఇంగ్లీష్ ఎలా అలవాటయిందా అని !!!….బహుసా డే కేర్ వలననా?? … మీరు మీ వారు, తెలుగులోనే కదా మాట్లాడుకునేది..ఒక్క డే కేర్ తప్ప…మిగిలిన అన్నిచోట్ల(బాబు పరిసరాల్లో)…తెలుగే కదా మాట్లాడేది అని నా సందేహం….
ఇకపోతే… ఈ ప్రశ్న చినికి చినికి గాలి వానయినట్టు… నా బుర్రలో ప్రశ్నలు చాలనే లేవనెత్తింది… చిన్నగా సమాధాన పరచుకోవాలి…పూర్తి సమాధానంకోసం కొద్దిగా ఆగల్సిందే…మీ నిజజీవతానుభవాలు నాకు చాలా ఊతాన్నిచ్చాయి…అటు స్వదేశ భావాలు కామేశ్వరరావు గారు,వల్లూరి గారు, కరీమ్ నగర్ గారు అందిస్తే… విదేశ భావాలు మీరు ఇచ్చారు… ఈ రెంటిని కలిపి..నా సొంతపైత్యాన్ని…కొద్దిగా కలిపి… అనులొమవిలోమాలకు అర్దమగునట్లు…సమాధానాలు రాయటానికి ప్రయత్నిస్తాను…..
అయ్యో.. ఎందుకు ఇన్ని వాదనలు ? తెలుగు నేర్చుకోకపోతే.. తెలుగు సినిమాలు చూడలేము. తెలుగు లో రాసిన - త్యాగరాయ కృతులు.. అన్నమయ్య కీర్తనలు, రామదాసు కీర్తనలూ అర్ధం కావు. ‘కన్యాశుల్కం’, ‘హాహా హూహూ’ చందమామ (తెలుగు) వంటివి చదవలేము. అన్నిటి కన్నా మందు - తెలుగు లో బ్లాగలేము !!